(ก) อนุโลมปุคฺคโล

[66] (ก) โย กามราคานุสเยน สานุสโย โส ปฏิฆานุสเยน สานุสโยติ? อามนฺตาฯ

(ข) โย วา ปน ปฏิฆานุสเยน สานุสโย โส กามราคานุสเยน สานุสโยติ? อามนฺตาฯ

(ก) โย กามราคานุสเยน สานุสโย โส มานานุสเยน สานุสโยติ? อามนฺตาฯ

(ข) โย วา ปน มานานุสเยน สานุสโย โส กามราคานุสเยน สานุสโยติ?

อนาคามี มานานุสเยน สานุสโย, โน จ กามราคานุสเยน สานุสโยฯ ตโย ปุคฺคลา มานานุสเยน จ สานุสยา กามราคานุสเยน จ สานุสยาฯ

โย กามราคานุสเยน สานุสโย โส ทิฏฺฐานุสเยน…เป.… วิจิกิจฺฉานุสเยน สานุสโยติ?

ทฺเว ปุคฺคลา กามราคานุสเยน สานุสยา, โน จ วิจิกิจฺฉานุสเยน สานุสยาฯ ปุถุชฺชโน กามราคานุสเยน จ สานุสโย วิจิกิจฺฉานุสเยน จ สานุสโยฯ

โย วา ปน วิจิกิจฺฉานุสเยน สานุสโย โส กามราคานุสเยน สานุสโยติ? อามนฺตาฯ

โย กามราคานุสเยน สานุสโย โส ภวราคานุสเยน…เป.… อวิชฺชานุสเยน สานุสโยติ? อามนฺตาฯ

โย วา ปน อวิชฺชานุสเยน สานุสโย โส กามราคานุสเยน สานุสโยติ?

อนาคามี อวิชฺชานุสเยน สานุสโย, โน จ กามราคานุสเยน สานุสโยฯ ตโย ปุคฺคลา อวิชฺชานุสเยน จ สานุสยา กามราคานุสเยน จ สานุสยาฯ

[67] (ก) โย ปฏิฆานุสเยน สานุสโย โส มานานุสเยน สานุสโยติ? อามนฺตาฯ

(ข) โย วา ปน มานานุสเยน สานุสโย โส ปฏิฆานุสเยน สานุสโยติ?

อนาคามี มานานุสเยน สานุสโย, โน จ ปฏิฆานุสเยน สานุสโยฯ ตโย ปุคฺคลา มานานุสเยน จ สานุสยา ปฏิฆานุสเยน จ สานุสยาฯ

โย ปฏิฆานุสเยน สานุสโย โส ทิฏฺฐานุสเยน…เป.… วิจิกิจฺฉานุสเยน สานุสโยติ?

ทฺเว ปุคฺคลา ปฏิฆานุสเยน สานุสยา , โน จ วิจิกิจฺฉานุสเยน สานุสยาฯ ปุถุชฺชโน ปฏิฆานุสเยน จ สานุสโย วิจิกิจฺฉานุสเยน จ สานุสโยฯ

โย วา ปน วิจิกิจฺฉานุสเยน สานุสโย โส ปฏิฆานุสเยน สานุสโยติ? อามนฺตาฯ

โย ปฏิฆานุสเยน สานุสโย โส ภวราคานุสเยน…เป.… อวิชฺชานุสเยน สานุสโยติ? อามนฺตาฯ

โย วา ปน อวิชฺชานุสเยน สานุสโย โส ปฏิฆานุสเยน สานุสโยติ?

อนาคามี อวิชฺชานุสเยน สานุสโย, โน จ ปฏิฆานุสเยน สานุสโยฯ ตโย ปุคฺคลา อวิชฺชานุสเยน จ สานุสยา ปฏิฆานุสเยน จ สานุสยาฯ

[68] โย มานานุสเยน สานุสโย โส ทิฏฺฐานุสเยน…เป.… วิจิกิจฺฉานุสเยน สานุสโยติ?

ตโย ปุคฺคลา มานานุสเยน สานุสยา, โน จ วิจิกิจฺฉานุสเยน สานุสยาฯ ปุถุชฺชโน มานานุสเยน จ สานุสโย วิจิกิจฺฉานุสเยน จ สานุสโยฯ

โย วา ปน วิจิกิจฺฉานุสเยน สานุสโย โส มานานุสเยน สานุสโยติ? อามนฺตาฯ

โย มานานุสเยน สานุสโย โส ภวราคานุสเยน…เป.… อวิชฺชานุสเยน สานุสโยติ? อามนฺตาฯ

โย วา ปน อวิชฺชานุสเยน สานุสโย โส มานานุสเยน สานุสโยติ? อามนฺตาฯ

[69] (ก) โย ทิฏฺฐานุสเยน สานุสโย โส วิจิกิจฺฉานุสเยน สานุสโยติ? อามนฺตาฯ

(ข) โย วา ปน วิจิกิจฺฉานุสเยน สานุสโย โส ทิฏฺฐานุสเยน สานุสโยติ? อามนฺตา …เป.…ฯ

[70] โย วิจิกิจฺฉานุสเยน สานุสโย โส ภวราคานุสเยน…เป.… อวิชฺชานุสเยน สานุสโยติ? อามนฺตาฯ

โย วา ปน อวิชฺชานุสเยน สานุสโย โส วิจิกิจฺฉานุสเยน สานุสโยติ?

ตโย ปุคฺคลา อวิชฺชานุสเยน สานุสยา, โน จ วิจิกิจฺฉานุสเยน สานุสยาฯ ปุถุชฺชโน อวิชฺชานุสเยน จ สานุสโย วิจิกิจฺฉานุสเยน จ สานุสโยฯ

[71] (ก) โย ภวราคานุสเยน สานุสโย โส อวิชฺชานุสเยน สานุสโยติ? อามนฺตาฯ

(ข) โย วา ปน อวิชฺชานุสเยน สานุสโย โส ภวราคานุสเยน สานุสโยติ? อามนฺตาฯ (เอกมูลกํ)

[72] (ก) โย กามราคานุสเยน จ ปฏิฆานุสเยน จ สานุสโย โส มานานุสเยน สานุสโยติ? อามนฺตาฯ

(ข) โย วา ปน มานานุสเยน สานุสโย โส กามราคานุสเยน จ ปฏิฆานุสเยน จ สานุสโยติ?

อนาคามี มานานุสเยน สานุสโย, โน จ กามราคานุสเยน จ ปฏิฆานุสเยน จ สานุสโยฯ ตโย ปุคฺคลา มานานุสเยน จ สานุสยา กามราคานุสเยน จ ปฏิฆานุสเยน จ สานุสยาฯ

โย กามราคานุสเยน จ ปฏิฆานุสเยน จ สานุสโย โส ทิฏฺฐานุสเยน…เป.… วิจิกิจฺฉานุสเยน สานุสโยติ?

ทฺเว ปุคฺคลา กามราคานุสเยน จ ปฏิฆานุสเยน จ สานุสยา, โน จ วิจิกิจฺฉานุสเยน สานุสยาฯ ปุถุชฺชโน กามราคานุสเยน จ ปฏิฆานุสเยน จ สานุสโย วิจิกิจฺฉานุสเยน จ สานุสโยฯ

โย วา ปน วิจิกิจฺฉานุสเยน สานุสโย โส กามราคานุสเยน จ ปฏิฆานุสเยน จ สานุสโยติ? อามนฺตาฯ

โย กามราคานุสเยน จ ปฏิฆานุสเยน จ สานุสโย โส ภวราคานุสเยน…เป.… อวิชฺชานุสเยน สานุสโยติ? อามนฺตาฯ

โย วา ปน อวิชฺชานุสเยน สานุสโย โส กามราคานุสเยน จ ปฏิฆานุสเยน จ สานุสโยติ?

อนาคามี อวิชฺชานุสเยน สานุสโย, โน จ กามราคานุสเยน จ ปฏิฆานุสเยน จ สานุสโยฯ ตโย ปุคฺคลา อวิชฺชานุสเยน จ สานุสยา กามราคานุสเยน จ ปฏิฆานุสเยน จ สานุสยาฯ (ทุกมูลกํ)

[73] โย กามราคานุสเยน จ ปฏิฆานุสเยน จ มานานุสเยน จ สานุสโย โส ทิฏฺฐานุสเยน…เป.… วิจิกิจฺฉานุสเยน สานุสโยติ?

ทฺเว ปุคฺคลา กามราคานุสเยน จ ปฏิฆานุสเยน จ มานานุสเยน จ สานุสยา, โน จ วิจิกิจฺฉานุสเยน สานุสยาฯ ปุถุชฺชโน กามราคานุสเยน จ ปฏิฆานุสเยน จ มานานุสเยน จ สานุสโย วิจิกิจฺฉานุสเยน จ สานุสโยฯ

โย วา ปน วิจิกิจฺฉานุสเยน สานุสโย โส กามราคานุสเยน จ ปฏิฆานุสเยน จ มานานุสเยน จ สานุสโยติ? อามนฺตาฯ

โย กามราคานุสเยน จ ปฏิฆานุสเยน จ มานานุสเยน จ สานุสโย โส ภวราคานุสเยน…เป.… อวิชฺชานุสเยน สานุสโยติ? อามนฺตาฯ

โย วา ปน อวิชฺชานุสเยน สานุสโย โส กามราคานุสเยน จ ปฏิฆานุสเยน จ มานานุสเยน จ สานุสโยติ?

อนาคามี อวิชฺชานุสเยน จ มานานุสเยน จ สานุสโย, โน จ กามราคานุสเยน จ ปฏิฆานุสเยน จ สานุสโยฯ ตโย ปุคฺคลา อวิชฺชานุสเยน จ สานุสยา กามราคานุสเยน จ ปฏิฆานุสเยน จ มานานุสเยน จ สานุสยาฯ (ติกมูลกํ)

[74] (ก) โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ สานุสโย โส วิจิกิจฺฉานุสเยน สานุสโยติ? อามนฺตาฯ

(ข) โย วา ปน วิจิกิจฺฉานุสเยน สานุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ สานุสโยติ ? อามนฺตา …เป.…ฯ (จตุกฺกมูลกํ)

[75] โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ สานุสโย โส ภวราคานุสเยน…เป.… อวิชฺชานุสเยน สานุสโยติ? อามนฺตาฯ

โย วา ปน อวิชฺชานุสเยน สานุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ สานุสโยติ?

อนาคามี อวิชฺชานุสเยน จ มานานุสเยน จ สานุสโย, โน จ กามราคานุสเยน จ ปฏิฆานุสเยน จ ทิฏฺฐานุสเยน จ วิจิกิจฺฉานุสเยน จ สานุสโยฯ ทฺเว ปุคฺคลา อวิชฺชานุสเยน จ กามราคานุสเยน จ ปฏิฆานุสเยน จ มานานุสเยน จ สานุสยา, โน จ ทิฏฺฐานุสเยน จ วิจิกิจฺฉานุสเยน จ สานุสยาฯ ปุถุชฺชโน อวิชฺชานุสเยน จ สานุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ สานุสโยฯ (ปญฺจกมูลกํ)

[76] (ก) โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโย โส อวิชฺชานุสเยน สานุสโยติ? อามนฺตาฯ

(ข) โย วา ปน อวิชฺชานุสเยน สานุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโยติ?

อนาคามี อวิชฺชานุสเยน จ มานานุสเยน จ ภวราคานุสเยน จ สานุสโย, โน จ กามราคานุสเยน จ ปฏิฆานุสเยน จ ทิฏฺฐานุสเยน จ วิจิกิจฺฉานุสเยน จ สานุสโยฯ ทฺเว ปุคฺคลา อวิชฺชานุสเยน จ กามราคานุสเยน จ ปฏิฆานุสเยน จ มานานุสเยน จ ภวราคานุสเยน จ สานุสยา, โน จ ทิฏฺฐานุสเยน จ วิจิกิจฺฉานุสเยน จ สานุสยาฯ ปุถุชฺชโน อวิชฺชานุสเยน จ สานุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโยฯ (ฉกฺกมูลกํ)

(ข) อนุโลมโอกาโส

[77] (ก) ยโต กามราคานุสเยน สานุสโย ตโต ปฏิฆานุสเยน สานุสโยติ? โนฯ

(ข) ยโต วา ปน ปฏิฆานุสเยน สานุสโย ตโต กามราคานุสเยน สานุสโยติ? โนฯ

(ก) ยโต กามราคานุสเยน สานุสโย ตโต มานานุสเยน สานุสโยติ? อามนฺตาฯ

(ข) ยโต วา ปน มานานุสเยน สานุสโย ตโต กามราคานุสเยน สานุสโยติ?

รูปธาตุยา อรูปธาตุยา ตโต มานานุสเยน สานุสโย, โน จ ตโต กามราคานุสเยน สานุสโยฯ กามธาตุยา ทฺวีสุ เวทนาสุ ตโต มานานุสเยน จ สานุสโย กามราคานุสเยน จ สานุสโยฯ

ยโต กามราคานุสเยน สานุสโย ตโต ทิฏฺฐานุสเยน…เป.… วิจิกิจฺฉานุสเยน สานุสโยติ? อามนฺตาฯ

ยโต วา ปน วิจิกิจฺฉานุสเยน สานุสโย ตโต กามราคานุสเยน สานุสโยติ?

ทุกฺขาย เวทนาย รูปธาตุยา อรูปธาตุยา ตโต วิจิกิจฺฉานุสเยน สานุสโย, โน จ ตโต กามราคานุสเยน สานุสโยฯ กามธาตุยา ทฺวีสุ เวทนาสุ ตโต วิจิกิจฺฉานุสเยน จ สานุสโย กามราคานุสเยน จ สานุสโยฯ